രക്ഷിതാക്കള്‍ക്കുള്ള ബോധവല്‍ക്കരണ ക്ലാസ്സും 

ആരോഗ്യ ക്ലാസ്സും

           വിദ്യാലയ ശാക്തീകരണത്തിന്റെ ഭാഗമായി രക്ഷിതാക്കള്‍ക്കുള്ള ബോധവല്‍ക്കരണ ക്ലാസ്സ് 4.6.2016 (ശനിയാഴ്ച)  ഉച്ചയ്ക്ക് 2 മണിക്ക് നടത്തി.തുടര്‍ന്ന് മഴക്കാല രോഗങ്ങളെക്കുറിച്ചും അതിന്റെ പ്രതിരോധത്തെക്കുറിച്ചും ആരിക്കാടി PHC യിലെ JHI ശ്രീമതി. സീമ ക്ലാസ്സെടുത്തു.മഴക്കാലത്തിന്റെ വരവോടുകൂടി പെരുകുന്ന കൊതുകിനെക്കുറിച്ചും അവയെ നിയന്ത്രിക്കേണ്ടതിന്റെ ആവശ്യകതയെക്കുറിച്ചും നിയന്ത്രണ രീതികളെക്കുറിച്ചും വിശദമായി  പ്രതിപാദിച്ചു.ചടങ്ങില്‍ സതി ടീച്ചര്‍ സ്വാഗതം പറഞ്ഞു , HM കല്യാണി ടീച്ചര്‍ അധ്യക്ഷത വഹിച്ചു.വി.മധുസൂദനന്‍ അക്കാദമിക കാര്യങ്ങളെക്കുറിച്ച് വിശദീകരിച്ചു.

സ്വാഗതം - സതിടീച്ചര്‍

അധ്യക്ഷന്‍ - കല്യാണി ടീച്ചര്‍ HM

ആരോഗ്യ ക്ലാസ്സ് - സീമ (JHI ആരിക്കാടി)

കുട്ടികളുടെ കാര്യത്തില്‍ ശ്രദ്ധിക്കണേ...

പരിസര ദിനാചരണം

പ്രവേശനോത്സവം - 2016

                   2016-17 അധ്യയന വര്‍ഷത്തിന് ഗംഭീരമായ തുടക്കം.വര്‍ണ്ണക്കടലാസും വര്‍ണ്ണ ബലൂണുകളും കൊണ്ട് അലങ്കരിച്ച ക്ലാസ്സിലേക്ക് നവാഗതരെ ആനയിച്ചു.കൂട്ടുകാര്‍ അവരെ വര്‍ണ്ണത്തൊപ്പികള്‍ അണിയിച്ചൊരുക്കി.ക്ലബ്ബ് പ്രവര്‍ത്തകര്‍ മധുര പലഹാരം നല്‍കി സ്വീകരിച്ചു , ബാഗുകളും കുടയും നല്‍കി.സ്റ്റാഫിന്റെ വകയായി സ്ലേറ്റും പെന്‍സിലും നല്‍കി.ആഹ്ലാദകരമായ അന്തരീക്ഷത്തില്‍ ബഹു.കുമ്പള ഗ്രാമ പഞ്ചായത്ത് പ്രസിഡണ്ട് ശ്രീ.പുണ്ടരീകാക്ഷ പ്രവേശനോത്സവം ഉദ്ഘാടനം ചെയ്തു.PTA പ്രസിഡണ്ട് , SMC ചെയര്‍മാന്‍ എന്നിവരും  ഒട്ടേറെ രക്ഷിതാക്കളും ചടങ്ങിനെത്തിയിരുന്നു. 

സ്വാഗതം - കല്യാണി ടീച്ചര്‍ HM

                                     

ഉദ്ഘാടനം - ശ്രീ.പുണ്ടരീകാക്ഷ,പഞ്ചായത്ത് പ്രസിഡണ്ട്

ക്ലബ്ബിന്റെ സമ്മാനം - കുടയും ബാഗും

സ്റ്റാഫിന്റെ വക - സ്ലേറ്റും പെന്‍സിലും

സദസ്സ്

അല്പം പേടിയില്ലാതില്ല...

ഇനി അല്പം മധുരമാവാം

ശ്ശൊ... ലഡു തിന്നാനുള്ള മൂഡില്ലല്ലോ...

തൊപ്പി കൊള്ളാട്ടോ...

പ്രവേശനോത്സവ റാലി

ഇവര്‍ ഞങ്ങളുടെ അതിഥികള്‍

സൗജന്യ നോട്ടു ബുക്ക് വിതരണം

കൊടിയമ്മ ആസ്ഥാനമായി പ്രവര്‍ത്തിക്കുന്ന സി.എച്ച് .മുഹമ്മദ് കോയ മെമ്മോറിയല്‍ എജ്യൂക്കേഷണല്‍ ആന്റ് ചാരിറ്റബിള്‍ സെന്ററിന്റെ ആഭിമുഖ്യത്തില്‍ സ്കൂളിലെ മുഴുവന്‍ കുട്ടികള്‍ക്കും നോട്ടു ബുക്ക് വിതരണം ചെയ്തു.കുമ്പള ഗ്രാമ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്സണ്‍ ശ്രീമതി.നസീമ അധ്യക്ഷത വഹിച്ച ചടങ്ങില്‍ ഗ്രാമ പഞ്ചായത്ത് പ്രസിഡണ്ട് ശ്രീമതി.താഹിറ യൂസുഫ് ഉദ്ഘാടകയായി.വാര്‍ഡ് മെമ്പര്‍ ശ്രീമതി.നസീമ.പി.എം , PTA പ്രസിഡണ്ട്  ശ്രീ.അബൂബക്കര്‍ പള്ളത്തിമാര്‍ ,SMC ചെയര്‍മാന്‍ ശ്രീ.അബ്ദുള്‍ ഖാദര്‍,അശ്രഫ് കൊടിയമ്മ,സീനിയര്‍ അസിസ്റ്റന്റ് ശ്രീ.ബോബന്‍ കുര്യന്‍,ആമിന ടീച്ചര്‍ എന്നിവര്‍ ആശംസകള്‍ നേര്‍ന്ന് സംസാരിച്ചു.ഹെഡ്മാസ്റ്റര്‍ ഇന്‍ ചാര്‍ജ്ജ് മുരളീധരന്‍ മാസ്റ്റര്‍ സ്വാഗതം ആശംസിച്ച ചടങ്ങിന് സ്റ്റാഫ് സെക്രട്ടറി വി.മധുസൂദനന്‍ നന്ദി പറഞ്ഞു.

പരിസരദിനാഘോഷം

ജൂണ്‍ 5 ന് പരിസര ദിനാചരണം നടത്തി.മുഴുവന്‍ കുട്ടികള്‍ക്കും വൃക്ഷത്തൈ വിതരണം ചെയ്തു.ആമിന ടീച്ചര്‍ സ്കൂള്‍ കോമ്പൗണ്ടില്‍ മരത്തൈ നട്ടു.പരിസര ദിനത്തിന്റെ പ്രാധാന്യത്തെക്കുറിച്ച് വിശദീകരണം നടത്തി.അതിനു ശേഷം കൃഷ്ണദാസ് പലേരിയുടെ കായലുകള്‍ കഥ പറയുമ്പോള്‍ ഡോക്യുമെന്ററി പ്രദര്‍ശനവും ഉണ്ടായിരുന്നു.

പ്രവേശനോത്സവം - 2015

2015-16 അദ്ധ്യയന വര്‍ഷത്തെ പ്രവേശനോത്സവം പുതുതായി സ്കൂളിലേക്ക് വന്ന കുട്ടികള്‍ക്ക് അദ്ഭുതവും ആവേശവും നല്‍കുന്നതായിരുന്നു.വര്‍ണ്ണബലൂണുകളും വര്‍ണ്ണക്കടലാസുകളും കൊണ്ട് അലങ്കരിച്ച ഹാളിലേക്ക് കുരുന്നുകളെ ആനയിച്ചു.വാര്‍ഡ് മെമ്പര്‍ ശ്രീമതി നസീമ.പി.എം.ഉദ്ഘാടനം നിര്‍വഹിച്ചു.PTA പ്രസിഡണ്ട് അദ്ധ്യക്ഷനായ ചടങ്ങില്‍ HM ഇന്‍ ചാര്‍ജ്ജ് ശ്രീ മുരളീധരന്‍ മാസ്റ്റര്‍  സ്വാഗതവും സീനിയര്‍ അസിസ്റ്റന്റ് ബോബന്‍ കുര്യന്‍ , SMC ചെയര്‍മാന്‍ അബ്ദുള്‍ ഖാദര്‍ എന്നിവര്‍ ആശംസകളും നേര്‍ന്നു.സ്റ്റാഫ് സെക്രട്ടറി സതി ടീച്ചര്‍ നന്ദി പറഞ്ഞു.നിരവധി രക്ഷിതാക്കളും നാട്ടുകാരും ചടങ്ങില്‍ പങ്കെടുത്തു.മുഴുവന്‍ കുട്ടികള്‍ക്കും ലഡു വിതരണം നടത്തി.

നവാഗതര്‍ക്ക് സ്വാഗതം

ഗണിതോത്സവം - 2015

 യു.പി.വിഭാഗം കുട്ടികള്‍ക്കായുള്ള ഗണിതോത്സവം 4.3.2015 ന് നടത്തി.കൃഷ്ണദാസ് പലേരി നേതൃത്വം കൊടുത്തു.

മെട്രിക് മേള ...

എല്‍ പി വിഭാഗത്തിലെ 3,4 ക്ലാസ്സുകളിലെ കുട്ടികള്‍ക്കായി 3.3.2015ന് ഏകദിന  മെട്രിക് മേള നടത്തി. വാര്‍ഡ് മെമ്പര്‍ ശ്രീമതി.നസീമ .പി.എം മേള ഉദ്ഘാടനം  ചെയ്തു. സീനിയര്‍ അസിസ്റ്റന്റ് ബോബന്‍ കുര്യന്‍ അധ്യക്ഷനായിരുന്നു.കൃഷ്ണദാസ് പലേരി മേളയുടെ വിശദീകരണം നടത്തി. സ്റ്റാഫ് സെക്രട്ടറി സതി.ടി നന്ദി പറഞ്ഞു.കൃഷ്ണദാസ് പലേരി,ഫസലു റഹ്മാന്‍ എന്നിവര്‍ മേളയില്‍ വിവിധ പ്രവര്‍ത്തനങ്ങള്‍ക്ക് നേതൃത്വം കൊടുത്തു.

ഉദ്ഘാടനം - വാര്‍ഡ് മെമ്പര്‍

വിശദീകരണം-കൃഷ്ണദാസ് പലേരി